بيشتغل على رقمي الحالي؟
إيه. المساعد بيرد على نفس رقم الواتساب اللي بيعرفه زباينك. بتربطه من تلفونك بكود ربط أو QR، والرسائل بتطلع من عنا كجهاز مرتبط، وإنت بتضل تستعمل الواتساب على تلفونك عادي.
لازم أفهم بالتكنولوجيا؟
لأ، وما بدك كمبيوتر كمان. الفريق بيفتحلك الحساب، وكل شي بيشتغل من تلفونك، حتى ربط الواتساب. وفي جولة بتشرحلك كل صفحة، وإذا علقت بشي، شام أو الفريق بيمشوا معك خطوة بخطوة.
شو إذا المساعد ما عرف الجواب؟
ما بيألّف من راسه. بيقلّ للزبون إنه رح يتأكد، وبيسألك، وبيوصّل جوابك بدون ما تفتح المحادثة. احفظ الجواب، وبيعرفه المرة الجاية.
رح يحرجني قدام زبايني؟
ما بيقول إلا اللي علّمته ياه. ولما ما بيعرف، بيسألك بدل ما يألّف من راسه، وهي شغلة مو كلنا منعملها. وكل كلمة بيبعتها فيك تقراها.
بقدر رد أنا، أو أطفيه؟
بأي وقت. بتستلم أي محادثة من التطبيق أو من تلفونك مباشرة، والمساعد بيسكت مع هالزبون. وبترجّعله ياها بكبسة. أو بتطفيه كله من صفحته، وبترجع تشغّله وقت ما بدك.
إذا زبونين بدهن نفس الموعد؟
اللي سبق شمّ الحبق، وما بيصير حجزين بنفس الوقت. المساعد بيعرض بس الفاضي فعلاً. وبالمتجر، ما بيتسجّل طلب على منتج خلص.
بيفهم الفويسات؟
إيه. الزبون بيبعت فويس، والمساعد بيفهمه وبيرد عليه كتابة.
شو بيصير إذا انقطع النت أو الكهربا عندي؟
الرسائل بتضل تطلع من عنا، حتى لو تلفونك مطفي. بس خلّي تلفونك يتصل بالنت مرة كل كم يوم، لأن واتساب بيفصل الأجهزة المرتبطة إذا غاب التلفون فترة طويلة. وإذا عندك رقم تاني، بيكمّل عن الرقم اللي وقع.
كيف بدفع؟
أول 14 يوم مجاناً على حسابك الحقيقي. بعدها الدفع شهري ومنرتّبه مباشرة مع الفريق: 25 دولار بالشهر لحد 31 كانون الأول 2026، وبعدها 50 دولار، والمساعد الذكي معه، و10 دولار لكل رقم إضافي.
شو إذا بدي شي هالتلاتة ما بيعملوه؟
وقتها بدك تفصيل مو جاهز. منبني أنظمة على الطلب، وغالباً بتشوف نسخة شغّالة خلال أيام. هاد كله على b2mrak.com.